تجربتي مع الروكتان

السلام عليكم ..

حبيت أشارككم تجربتي مع الروكتان والمعاناة اللي مريت فيها بسبب البشرة..
في البداية انا عانيت من حب الشباب لمدة خمس سنين كان بدايتها يطلع في جبهتي وبعدها الحمدلله صفت جبهتي ولا كأن كان فيها حبوب حتى مافي اثار مقارنة بالحجم اللي طلع فيها والمدة اللي دامت فيها اكثر من سنتين بالنسبة للجبهة.

بعدها انتقلت الحبوب للوجنات صارت تطلع فيها بداية 2013.. أستمر حب الشباب معي هذيك الفترة ومع الأسف ما كنت اعتني فيها و أجهل كيفية العناية حتى لو بالغسول..

قررت أخذ روكتان في 2014 رحت كتبت لي الدكتورة وبدت معي بجرعة قليلة اللي هي 10 جرام..

و انقطعت عن العلاج لظروف كانت مسافره الدكتورة ولا قدرت اكمل على اساس كتابة الجرعة الثانية للشهر الثاني..

بعدها قررت في 2017 أخذ الروكتان رحت حللت واستمريت مع دكتورة جديدة .
حبيت اشارككم الصور لبداية أول شهر روكتان مع جرعة 30 جرام..

 *هنا الصورة جهة من وجهي اليمين و جهة من وجهي اليسار 

 هذي كانت بالنسبة للشهر الأول بدت تطلع الحبوب بقابلية كبيرة للعلاج..
في فترة الروكتان كنت استخدم غسول الوجه بايوديرما كان جداً ممتاز وما أثر عليها لأن كانت بشرتي تتحسس من أي شيء وتلتهب..
وايضاً كنت استخدم كريم للوجه بس مع الاسف هو اللي زاد الحبوب لأن كان فيه نسبة كبيرة من الزيت فـ غيرته و أخذت كريم بايوديرما للبشرة الحساسة ويصلح للمواليد




بعدها ما حسيت بأي شيء يهيج بشرتي غير أن مفعول العلاج بدأ معها..
وطبعاً في فترة العلاج ما كنت أقدر أسوي ليزر لشعر وجهي أو أشيله..
حتى بالشفرة ما قدرت أستعملها لأن كان وجهي جداً حساس ويتأثر بسرعة

هذي الحين صور للشهر الثاني من بعد الروكتان جرعة 40 جرام


*هنا الصورة جهة من وجهي اليمين و جهة من وجهي اليسار 

صرفت لي الدكتورة وقتها كريم يخفف الإلتهاب وبعدها أوقفه و فعلاً فاد معي استخدمه مره وحده في اليوم لمدة ثلاث أيام يخفف الإلتهاب ممتاز جداً 

بعدها دخلنا على الشهر الثالث وبدت بشرتي تلتهب زيادة وبديت اتأزم لأني شخص مهووس مكياج دايم أحب أحط فـ ما صرت ابداً أقدر أحط لأنها كانت ملتهبه وفيها ألم غير طبيعي وكانت بعض الأحيان تنزف دم من شدة الإلتهاب فـ جلست شهرين بدون ما أحط فونديشن , وبديت في جرعة 60 جرام.


*هنا الصورة جهة من وجهي اليمين و جهة من وجهي اليسار 

طبعاً هذي ولا شيء عند الشهر الرابع صار كل شهر يشتد أكثر من اللي قبله لدرجة أن الدكتورة يأست و أحنا في البداية وكانت تقولي أنتبهي لأكلك والكليسترول والمشكلة إني ما أكثر دهون وكنت كل صباح أشرب موية دافية مع ليمون وملعقة عسل على أساس ينزل الكليسترول لكن كانت تتفاعل بسرعة بشرتي بدون أي شيء يهيجها داخلياً 
هذي صور للشهر الرابع اللي سبب لي أزززززمة 

 
*هنا الصورة جهة من وجهي اليمين و جهة من وجهي اليسار 

دخلنا على الشهر الخامس وأحس الوضع تحسن شوي عن الشهر اللي قبله لكن مريت بأكزيما في يدي نتيجة العلاج والجرعة القوية اللي كملنا فيها باقي الأشهر بـ 60 جرام..

 
*هنا الصورة جهة من وجهي اليمين و جهة من وجهي اليسار 




في هالفترة ما كنت اقدر اسوي ماسك ولا أحط أي شيء على وجهي الا ماسك واحد سويته اللي هو زبادي مع شوفان وموية ورد كان مره زين يهدي الإلتهاب والأحمرار.

هنا الشهر السادس :
 
*هنا الصورة جهة من وجهي اليمين و جهة من وجهي اليسار 

الشهر السابع ما كنت أحس بتغيرات يمكن لأني تعودت عليها بس لما أرجع أشوفها كاملة بالأشهر اللي راحت أشوف أن التغيير واضح وبشكل كبير .. + سويت تنظيف عميق للبشرة كان مررره زين وفاد مع بشرتي

 
*هنا الصورة جهة من وجهي اليمين و جهة من وجهي اليسار 


بعد ما كنت أشوف ان مافي اي تغيير حاولت أشوف الأكل اللي ممكن يسبب لي إلتهاب ويطلع لي حبوب وأكتشفت أن الأكل البحري يطلع لي والمشروبات الغازية والبيض والقهوة لأني أشربها دايم . قطعت البيض على الشهر السابع والقهوة للأسف عجزت أوقفها والمشروبات الغازية مثل الكولا قاطعتها من سنتين فـ ما كان مأثر مره للموضوع



* هنا الصورة جهة من وجهي اليمين و جهة من وجهي اليسار
وفيه معلومة إني خمس شهور أخذت فيها " زيركتان " وبعدها حولت للروكتان الأصلي لأن توقعت المشكلة من الزيركتان لأن بشرتي ما كانت تتغير الا للأسوء :




طبعاً الكورس الأساسي لي كان 8 شهور لكن كملت الكورس زيادة شهر فـ صارت الخطة العلاجية 9 شهور وتركت الروكتان من شهرين , النتيجة النهائية لبشرتي بقى منها بس أثار حبوب وكنت أتوقع انها حبوب تحت الجلد وما  راحت إلى ما سألت دكتور وقالي أنها أثار حبوب عميقة تحتاج لجلسات فراكشنال على اربع شهور وهذي الصور الحالية لبشرتي بعد الروكتان :





وكان من المفترض أني أسوي جلسة الفراكشنال قبل أسبوع لكن داهمتني حبه في وجهي اضطريت أنتظرها تروح عشان أقدر اسوي و أستخدمت كريم بن زاك نتيجته فضيعة يجفف الحبة ويخليها تروح أستخدمه مره وحده في اليوم بينما هو الأساسي يستخدم مرتين في اليوم



وهذي كانت تجربتي مع الروكتان أنصح فيه لأن علاج البشرة صعب جداً خصوصاً لما تهمل ولما ما ينحرص على نظافتها وترطيبها وتغسيل فرش الميك أب وأختيار فونديشن طبي يساعد على أنك تحافظ على بشرتك
وأن شاء الله بعد الفراكشنال أحصل نتائج مرضية..